تعرف ايه عن فن النحت 🤔 ؟ وايه علاقة النحت بصنع الماكيتات ؟

كتير مننا عارف طبعا إن فن النحت من الفنون التجسيدية ( التشكيلية ) الجميلة ⁦و اللي بتتركز علي إنشاء مجسمات ذات أبعاد ثلاثية

و كمان فن النحت من الفنون الإبداعية اللي بتعتمد علي المجسمات ذات الأبعاد الثلاثية لتجسيد شكل إنسان أو حيوان و هكذا .

و فن النحت بيتعامل مع المجسمات الثلاثية الأبعاد علي العكس من الرسم و التصوير اللي بتتعامل مع الابعاد الثنائية

وهو من أقدم الفنون اللي عرفها الانسان وتطور فيها بمرور الزمن وهنلاقي نماذج للمنحوتات القديمة في كل الحضارات ( الحضارة الفرعونية -والحضارة الرومانية – والحضارة اليونانية ) واختلفت اغراض المنحوتات وتنوعت ، كان بعضها لاغراض دينية ونحت تماثيل للالهة، والبعض الاخر لاستخدامات معيشية .

وكانوا بيهتموا اهتمام شديد بالفن دا وتطويره وتزينه بالوان زاهية

وفن النحت بيستخدم خامات كتير و متنوعة بتناسب طبيعة الفن الجميل دا ⁦و تطورت الخامات المستخدمة في المنحوتات باختلاف العصور

لكن أبرزهم :-

 

التراكوتا… ديه بقي من أقدم الخامات المستخدمة في النحت و استخدمها المصريين القدماء و الصينيون و الإغريق و شعوب الهند

 

البرونز و المعادن….استخدمت الخامة ديه بعد استخدام الطين و خصوصا كمان في العصر البرونزي و ليها قدرة كبيرة جدا علي التماسك

 

النحاس الأصفر …. يتميز بلمعانة الدقيق ولكنه ينطفئ لو متحفظش كويس

 

النحاس الأحمر … دا استخدم في عصور ما قبل التاريخ لأنه أكثر ليونه من النحاس الأحمر و كمان بيقاوم التآكل

 

الحجارة… علي الرغم من صعوبة نحتها و تشكيلها إلا الخامة الاكتر بقاء و لمعان

 

الخشب ….ليه مزايا و عيوب إلا أن عيوبه بتغطي علي مزاياه عشان هو سريع التآكل و معرض كمان للتشقق

 

طب ايه علاقه صنع الماكيتات بالنحت؟!

 

فيه علاقه كبيره بينهم ، ودة بسبب اني ببقى محتاج ابين تفصيله معينه او جزء صغير من الصعب تكوينه ، ف بلجأ لاني انحته ، و من الممكن نحته علي الخشب او الطين الاسواني او الجبس

وفي ادوات ومعدات بكون محتاجها عشان اقدر اني انحت :-

 

الإزميل : وهو عبارة عن أداة معدنيّة مصنوعة من الحديد ، وهو متوافر بأحجامٍ متعدّدة منها الصغير ومنها ما هو مدبّب الرأس، ويستخدم للحفر على الخشب.

 

الشاكوش : وهو عبارة عن أداة معدنيّة مصنوعة من الحديد مكوّنة من قسميْن ، القسم الأول مكوّن من رأسٍ من الحديد القويّ، والقسم الثاني مكوّن من يد من الخشب المتين، وهو متوفّر بعدة أشكال.

 

الدقماق : وهو آلةٌ مصنوعة من الخشب ، لها رؤوسٌ متعدّدة منها ما هو منشور، ومنها الملفوف.

 

الكماشة : وهي أداة مكوّنة من ساقيْن من الحديد الصلب، وينتهيان بفكّيْن متحركيْن حولَ محور ثابت.

 

البنك : وهو أداة مصنوعة من الخشب الصلب والقويّ شديد التحمل، مثل خشب الزان، ويحتوي على فتيلة للقبض على أجزاء المشغولات عند تصنيعها.

 

الفارة : أداة تستعملُ في تنعيم أسطح الأخشاب، ويتوافرُ منها أنواعٌ عديدة، أشهرها فارة التشريب.

 

المتر المعدنيّ : وهو أداة معدنيّة على شكل شريط صلب وطريّ ومقسّم إلى سنتيمترات وملليمترات، وموجود داخلَ علبة من المعدن أو البلاستيك، كما يتراوحُ طولُه ما بين متر و ثلاثة أمتار.

 

الزاوية القائمة : وهي أداة مكوّنة من يد وسلاح، ومصنوعة من الحديد أو الخشب، ويستخدمُها النجار في رسم خطوط عموديّة على الأحرف، في استواء الأحرف، أو في تربيع الأحرف المتعامدة.

 

والنحت ليه كذا نوع ، منه

 

النحت الغائر : ودا بيكون نحت على لوح من الخشب أو الجر بيتم فيه ازالة المادة من داخل الشكل المراد تشكيله، بحيث انه يصبح الشيء غائرا تحت سطح اللوح .

النحت البارز : دا نحت على لوح خشبي أو حجري يتم فيه إزالة المادة حول الجسم المراد تشكيله. بحيث ان الصورة تصبح بارزة فوق سطح اللوح

 

فن النحت هو فن لا غنى عنه وبيكون مهم جدا في مجال صناعة المجسمات والماكيتات وبسبب تنوع الخامات القابلة للنحت وتوافر ادوات بتساعد على النحت ادت ان من السهولة توصل لاي مجسم ومصغر واي شكل انت محتاجة وعايز توفرة للماكيت بتاعك

لو محتاج تعرف اكتر او عندك اي استفسار تقدر تبعتلنا على رسائل الصفحة

او ممكن تملى الفورم دي

 

( https://forms.gle/hLMyKTUxTk8m3Lzp9 )

وهيتم التواصل معاك احد افراد الفريق 😄