ليه الفوم اكتر الخامات استخداما في مجال صناعة الماكيتات؟

الفوم من اكتر المواد استخداما في مجال صناعة الماكيتات الهندسية وبيعتمد عليه الغلب المهندسين كمادة خام اساسية للشغل وصناعة ماكيتاتهم ومصغراتهم
 
. في البداية ، ايه هو الفوم ؟
الفوم هو عبارة عن مادة تشبه البلاستيك ولكن يتخللها هواء وبتكون فيها فراغات كثيرة بتؤدي لخفة وزنها و ليه كذا شكل ونوع ولون
واشهرهم في صناعة الجسمات والماكيتات هو الفوم الابيض والفوم الأزرق
 
ليه الفوم يعتبر اكثر المواد استخداماً في مجال صناعة الماكيتات والمجسمات ؟
 
الفوم ليه مميزات كثيرة جدا تخليه يبقى الاختيار الأول للطالب او المهندس ، على سبيل المثال :
 
الفوم تكلفته بتكون قليلة جدا وسعره رخيص ومناسب لأي ميزانية محطوطة للماكيت
 
. مش بيتأثر ولا بيبوظ بالماية ودا بيخليه في الاساس يستخدم كعازل مائي في تخصصات واغراض كثيرة جدا ، والخاصية دي بتزود الامان وعمر الماكيت .
 
سهل في التقطيع والتشكيل لأي شكل محتاجة فمش بيحتاج مجهود كبير وبيخليك تقدر تنفذ بيه ماكيتات بتحتوي على تفاصيل كثيرة
 
موفر قي الوقت بسبب سهولة تقطيعة وتشكلية ، فمهما كنت عندك ضغط شغل او الوقت ضيق بيكون هو الاختيار المناسب للإنجاز
 
الثقوب اللي فيه وكثافته بتخلي وزنه خفيف جدا ودا بيسهل الحركة والنقل بتاعة الماكيت والمجسم ممكن تتحكم بسهولة في سمك طبقة الفوم
 
ليه كثافات كثيرة اقدر احددها واختارها حسب الصلابة اللي انا محتاجها في كل ماكيت وكل مشروع
 
ليه الوان كتير ممكن اختار منها اللي انا عايزة وكمان بتكون قابلة للتلوين والرش و الوصول للون والشكل المطلوب
 
وكل المميزات دي بتخليه الاختيار الاول لكتير من الطلبة او المهندسين في صنع ماكيتاتهم لانه بكدا بيكون ممكن نستخدمه في كل حاجة من مجسمات مباني واثاث وممكن نوظفه في اي شكل ويحل محل خامات تانية زي الخشب مثلا .
 
ولكن زي اي خامة اكيد هيكون ليه عيوب ،
زي مثلا  اللزق مثلا او الفينيش بتاعه .
 
اول مشكله انك مش بتكون عن الشكل النهائي للماكيت والمجسم بعد الصنفرة دا لان بعد خطوة الصنفره بتلاقي في حفر واسطح مش مستوية
 
بس الحل بتاع المشكلة دا بسيط وهو اننا بعد ما نخلص صنفرة الماكيت دا ونصنفره نمعجنه لما هنمعجن المجسم هنلاقي كل الحفر دي مبقتش موجودة وشكله بقى متساوي والفينيش بتاعه ممتاز بس في المرحلة دي تخلي بالك عشان المعجون بعد كدا ومع الوقت بيشقق ف ممكن تستخدم معجون ” ممتاز” مش معجون بلاستيك عشان تتجنب التشققات اللي ممكن تحصل في المعجون ، وبكدا تكون اتغلبت على موضوع الحفر والتشققات اللي ممكن تكون في القوم ويبقى الشكل النهائي بتاعك مستوي والفينيش مظبوط 👌🏻
 
تاني مشكلة بتقابل اغلب الناس وهي شغاله هي مشكلة اللزق لان اغلب انواع اللزق المستخدمة حاليا بتاكل الفوم ومش بتلزق ، بس في انواع من اللزق بينفعوا مع الفوم :
 
( المونتاج او السليكون ) دا في حالة اني مش هشتغل حوا الكتلة دي تاني لإن السيليكون مش هيخليني اعرف اشتغل فيه تاني
 
( الغراء) بس دا بياخد وقت عشان ينشف (بولي يوريثان ) النوع دا واحنا بنحطه بيكون فوم يعني كإني بلزق فوم بفوم فدا بيكون احسن نوع من انواع لزق الفوم ، لاني بقدر بعد كدا اشتغل واصنفر المجسم والماكيت بعد ما بخلصه براحتي ومن غير ما الشغل يبوظ مني . ومميزات الفوم الكثيرة وعيوبه القليلة اللي سهل تجنبها مخليه على عرش خامات صناعة الماكيتات .لو عندك اي استفسار عن الفوم او اي خامة تانية تقدر تبعتهولها على رسايل الصفحة

او ممكن تملى الفورم دي

( https://forms.gle/hLMyKTUxTk8m3Lzp9 )

وهيتم التواصل معاك احد افراد الفريق 😄