اللزق بتاع الماكيت مش بيكون كويس؟

في الغالب أكثر الناس بتهتم بكل خطوات الماكيت من اختيار الخامة والأدوات والإفراد والتقطيع بس في خطوة كتير بيتعامل معاها ب اهمال ومش بيدوها اهميتها وهي تجميع و لزق الماكيت .

اللزق من اهم الحاجات في شغل الماكيتات والمصغرات ، لأن اكيد مش هتكون عايز انك بعد ما تخلص شغلك وكل تعب ومجهود صناعة الماكيت والمجسم انه يفك من بعضه ويتكسر وكل الشغل دا والتعب يروح في الأرض وعشان كدا لازم نهتم بخطوة اللزق جدا وكمان تختار نوع اللزق كويس اوي

معظم الوقت بنستخدم نوع واحد من اللزق في كل حاجة و أي ماكيت ومع اي خامة وبنبقي متوقعين يشتغل كويس ويدينا نتيجة حلوة لكن اللي بيحصل انه مبيشتغلش واحنا بنكون بنستغربين جدا ومش عارفين سبب انه ملزقش ايه وليه الماكيت فك من بعضه ؟

وده لأن في كذا نوع من انواع اللزق و مش كلهم ينفع يستخدموا علي نفس الخامة وبنفس التأثير 🤷🏻‍♀️

ف لازم نعوف ايه انواع اللزق الأول وايه الخامات المناسب ليها

اول نوع هو الغراء الابيض –
والنوع دا بيكون موجود في كل بيت ومدرسة تقريبا و استخدامه مناسب وسهل في الاستخدام للأطفال على عكس انواع تانية

وبيلزق كويس في خامات معينة زي على سبيل المثال الورق والكرتون والحاجات الورقية بشكل عام

– و تاني نوع هو لزق الخشب –

الي هو منه الايبوكسي مثلا وليه انواع كتير تانية

والنوع دا بيستخدم في العفش والدواليب والحاجات ديه لانه بيكون قوي جدا ومش بيسيب أي فراغات من غير ما يملاها

– ثالث نوع هو لزق القماش (fabric glue )

و والنوع دا بيستخدم مع الهدوم والقماش ودا لأن القماش بيحتاج لزق قوي
وانه بيكون water proof عشان لما الهدوم تتغسل ما يتفكش منها
وبردو بيكون ليه كذا نوع

– والنوع الرابع هو ال superglue

دا طبعا معروف ومنتشر جدا

والنوع دا بيستخدم في الخامات القوية زي زجاج او ورق او سيراميك او خشب
والنوع دا بردو بيتميز انه بيلزق بسرعة جدا 👌🏻

وخامس نوع هو مسدس الشمع-

دا من اهم انواع اللزق
لإنه بيستخدم في كل حاجة ومع اغلب الخامات وكمان بينجز جدا جدا الا خامات معينة مش بيبقي قوي معاها

– وسادس نوع هو قلم اللزق

ليه انواع كتير منها مثلا ال uho
و ميزة النوع دا من اللزق انه سهل التحكم فيه بس هو مش من الانواع القوية غير مع حاجات معينة زي الورق

– و سابع نوع هو السلوتب

والنوع دا غني طبعا عن التعريف طبعا

بيكون فيه منه اشكال والوان كتير جدا زي الشفاف و الاسود والابيض وفي منه كمان اللي بيلزق من ناحيتين😻
ومن مييزاته بردو انه سهل الاستخدام ومنجز جدا جدا بس للاسف مش دايما مفيد وبيكون ليه عيوب لانه بيبوظ الشكل الخارجي احيانا كتير 🤦🏻‍♂️

واخيرا

– ثامن نوع هو ال glue stick

والنوع دا مش بيستخدم كتير لإنه مبيلزقش غير ورق خفيف اوي غير كده مش بيستخدم غير انواع نادرة اوي 😂

وبكدا نكون عرفنا انواع اللزق المختلفة وكمان بنستخدم كل نوع مع انهي خامة عشان توصل لاحلى نتيجة واعلى جودة للماكيت بتاعك .

لو تعرف نوع تاني وعندك معلومة زيادة عن اللزق ممكن تبعتهالنا على رسائل الصفحة

او ممكن تملى الفورم دي

( https://forms.gle/hLMyKTUxTk8m3Lzp9 )

وهيتم التواصل معاك احد افراد الفريق 😄