ايه هو برنامح ال (3D MAX) وليه انا كمهندس لازم اعلم

ايه هو برنامج ال 3d max وليه انا كمهندس لازم اتعلمه ؟

العظيم توني روبينز بيقول

” The path to success is to take massive, determined action”

3D MAX

هو برنامج لرسوم  الكمبيوتر و بيستخدم عشان نعمل. النماذج ثلاثية الأبعاد (3d ) والصور المتحركة و الصور الرقمية. وهو تابع لشركة Autodesk

والبرنامج دا بيعد أحد أكثر البرامج انتشارا في صناعة رسومات الكمبيوتر وهو مشهور بانه بيحتوي على مجموعة من الأدوات القوية لمحترفي الرسومات ثلاثية الأبعاد ( 3d)

طيب ليه إنت كمهندس عمارة و مهندس ديكور أو لو حتى لسه طالب مهم إنك تتعلم برنامج 3D Max وهيفيدك في ايه ؟

إحنا بنسميه البرنامج الواقعي🤩 و البرنامج الشامل👌🏻

ودا لعدة اسباب ، على سبيل المثال :-

– اول سبب انك بتقدر من خلاله تقدم تصميمات واقعية شبه الحقيقة بالظبط ،.وكمان انت بتقدر انك تستخدم فيه القماش و الخشب و المعدن و إضاءات مختلفة وكمان يقدر يوفر اشكال حية زي مثلا الدخان والماء بتدي تأثيرات حقيقة وواقعية جدا على التصميم بتاعك 🤩 لدرجة إن في بعض الناس أحيانًا بتتخدع ومش بتقدر تميز هل دي صور حقيقية و لا دا مجرد تصميم بس

– تاني سبب هو ان برنامج ال 3d max مع التصاميم المعمارية بيظهرها بشكلها الواقعي من قبل تنفيذها على أرض الواقع، و ده اللي بيكون إضافة ممتازة دا للعميل عشان بسبب التصميم دا بيخليه بيشوف الشغل طبيعي قبل تنفيذه و بيوصله الصورة كاملة 😉😉

– ثالث سبب هو ان برنامج ال 3D Max كمان انه بيستخدم في التصميم الداخلى و الخارجي، و كمان ال 3D Plan

– ورابع سبب هو ان برنامج ال 3d max بيكون فيه كمان جزء خاص بيرنامج الفوتوشوب و اللي من خلاله بنحسن جودة التصميم أوى، و بيوفر كمان عليك وقت كبير جدا أثناء الشغل وبيخليك تنجز اكبر شغل في اقل وقت

– خامس سبب هو ان ال 3d max برنامج بيخليك مؤهل إنك تشتغل شغل هندسي حتى لو انت مش مهندس ومش تخصصك الأساسي و تقدر تشتغل كمان بيه في شركات كبيرة وبيزود فرصك في القبول جدا

– سادس سبب انك كطالب بقى، برنامج ال 3d max ده مفيد ومهم جدا ليك، ودا لانه بيساعدك انك تعمل كتلة للشكل اللي انت عايزه ومحتاجه وبكدا هو بيساعدك انك توصل فكرتك بشكل مناسب للدكتور أو المعيد وتكون واضحة ومفهومة و دا طبعا بيساعدك انه يخليك تبقي مميز فى مجالك 😁

ومش بس في مجال الهندسة لأ هو برنامج مهم جدا في مجالات تانية كنير زي مثلا :
– في مجال تصميم الألعاب
– في مجال الرسوم المتحركة والكارتون في خلق وتصميم الشخصيات
– في مجال الدعايا والاعلان ( على سبيل المثال دعايا المنتجات التجارية)
– في مجال التعليم ( يُستعان بيه في تعليم التلاميذ الرسوم ثلاثية الابعاد)

ومن اهم مميزاته :

– هو برنامج مهم جدا وملوش مثيل في السرعة والبساطة
– سهل في تعلمه في وقت قصير مع قليل من التدريب عليه
– بيتميز البرنامج بصغر حجمه
– وبيساعد على فتح الملفات المستوردة بكل سهولة وبيترجمها ليحولها لمجسمات 3d بتحاكي الواقع الافتراضي “Rendering”.
– وكمان بيقدم للطلبة نسخة مجانية لمدة ٣ سنوات

لو حابب تعرف اكتر عن برنامج ال 3d max او لو حابب نتكلم عن برنامج تاني ونعرفك اكتر عنه ابعتلنا على رسايل الصفحة وممكن كمان تكلمنا على ارقامنا

او ممكن تملى الفورم دي

( https://forms.gle/hLMyKTUxTk8m3Lzp9 )

وهيتم التواصل معاك احد افراد الفريق 😄