* ازاي تغير الكهرباء في بيتك بدون تكسير؟*
عشان معظم الوقت بتاخد شقة مش
إنت اللي أشرفت عليها وقت التشطيب
و بيكون عندك بعض الإعتراضات و المشاكل في الكهرباء و أماكن الفيش لأنه ببساطة بيعتمد علي العفش و طريقه توزيعه
فممكن تحتاج تغيير حاجات في كهرباء البيت
بس للأسف دي مشكلة ممكن تكلفك كتير أوي 
لأنها بتحتاج تكسير في الحوائط و ده هيخسرك كل المجهود و الفلوس اللي إتصرفت علي الدهان و ديكورات الحوائط
ده غير إنها وارد جداً تبهدل الأرضيات كمان و بهدلة كبيرة أوي سعادتك
بس لما المشكلة دي واجهت عميل A4 Design لقينا حلها 
و كان إننا نمشي أسلاك الكهرباء في الجبسومبورد
بدون تكسير في أي حوائط و من غير أي خسائر في الأرضيات اللي كانت عجبه العميل لأ و بمميزات كمان
لأن بكدا قدر مهندسينا يحافظوا على الأرضيات و يوفروا لعميلنا فلوس كتير كان هيدفعها في تصليح الخسائر و فى نفس الوقت عملنا ديكورات فى السقف لها شكل جمالي كمان
♥️
* من اوضه عادية لاوضة ماستر*
و في نفس الشقة دي عميلنا كان في عنده حمام واحد مساحته ٣متر * ٤ متر
و كان أقصي طموحة إنه يعمل باب من الأوضة الرئيسيه علي الحمام
بس إن الحمام يكون له بابين ده طبعاً حل مش عملي أبداً
فمهندسينا قدروا يعملوا له تصميم يقسم الحمام لحمامين
كل حمام فيه بانيو و حوض و قاعدة تواليت
زي ما باين في رسومات الكاد فوق👆
انت كمان لو عندك أي مشاكل مضايقاك في الشقة أو حابب تعدل و تحسن في التصميم عشان يناسبك
متترددش تستشير فريق مهندسينا اللي بإذن الله هيقدر يوصل لأحسن حل يرضيك
و لو حابب تسأل أكتر أو تستفسر عن أى حاجة أملي الفورم ده و هنتواصل معاك♥️