مش دايما الشغل بيبقى سهل ولا بسيط وهنا الناس بتتقسم نوعين في ناس لما الشغل بيصعب عليها يا بتستسهل وبتستسلم وممكن تسيبه خالص ومبتكونش قده يا بتنشف دماغها وتقول ياانا يا هو ومتسكتش غير لما تنفذه على اكمل وجه وبشكل يرضيها كمان .
احنا في A4 design بنعشق االتحديات والماكيت اللي هنوريهولك دا خير دليل على كلامنا .
تخيل تبني فنار في اوضة !! . هنقولك ازاي .
الحكايه بدأت لما جالنا عميل طالب ماكيت لفنار بطول ١متر و ٦٠ سم
– اول حاجة عملناها حددنا الخامه المناسبه للماكيت ده وهي الفوم المضغوط عزل ٥ سم
– واجهتنا بعض المشاكل زي عامل الوقت اللي كان ضيق جدا خصوصا انه كان في رمضان بس احنا كنا اد التحدي
-كمان ان الشكل كان لازم يكون مخروطي وناعم كله علي بعضه
-تحدي تاني انه الطول كان متر و٦٠ سم ومقسم لقطع كل قطعه ٥ سم طبعا سنفرة الجسم كان محتاج مجهود كبير ووقت
كل ده والعميل متابع معانا خطوه بخطوه 🧐
-الماكيت بتاعنا كان منقسم لجزئين :-
- الجزء الاساسي :الفنار من الفوم المضغوط اتنعم واتعمل فيه الابواب والشبابيك وخد مننا ٣ طبقات معجون مع السنفره لكل طبقه
- الجزء التاني :مبني المعيشه اللي تحت الفنار وده كان من الخشب
- كان اعلي الفنار في فانوس مصنوع من الاكريليك اسطواني فيه جزء مضئ وجزء معتم والأسلاك كانت ماشيه جوا جسم الفنار
انتهى التحدي وسلمناه للعميل جزئين لطوله وكان العميل مبهور بيه جدا
والحمدلله طلع الفنار ينفع يتعمل جوه اوضة عادى
وانت كمان لو عايز تحفة مميزة ابعتلنا على رسايل الصفحة او كلمنا على ارقام الشركة
ومتنساش تملى الفورم دي( https://forms.gle/hLMyKTUxTk8m3Lzp9 ) وهيتم التواصل معاك من احد افراد الفريق