fly

عايز تزود وتحسن مهاراتك في عمل الماكيت؟

عايز تزود وتحسن مهارتك في عمل الماكيت ؟
 
 حاليا بقى كله بيعرف يعمل ماكيتات ومصغرات بعد ما فن المصغرات نال شعبية كبيرة كمان برا تخصص الهندسة
 
عمل الماكيت بيعتمد بشكل كبير جدا على المهارة مش بس العلم ، ودا اللي بيفرق بين الماكيت الحلو وبين الماكيت الممتاز
لانه سهل جدا ان اي حد يعمل ماكيت بس مش السهل ان الماكيت يكون فعلا متميز ويشد .
ممكن بخطوات بسيطة جدا تعمل الماكيت بطريقة اسهل وشكل وفينيش احسن 
 
١- الخطوة الاولى انك تستخدم الادوات الصح .👌🏻
لكل اداة من الادوات اللي بنستخدمها بدايل كتير وهتفي بالغرض بس دا هيعمل ماكيت عادي عشان تعمل ماكيت ممتاز هتحتاج الاداة الصح المصنوعة مخصوص والمناسبة للغرض دا مش مجرد بدايل تفي بالغرض ودا مش بس هيطلع الماكيت بالشكل الممتاز بتاعه دا كمان هيوفر عليك جدا في الوقت الي هتدور فيه على بدائل للاداة الغير متاحه 
 
٢-لازم الاداة اللي هتقطع بيها تكون حادة
 
طول ما انت شغال في الماكيت بتكون محتاج تقطع بعض المواد والخامات عشان كدا (اداة القطع) من اهم الادوات اللي لازم تكون جودها والحدة بتاعتها ممتازة عشان القطع بتاعك يكون مستوي ومكان القطع في الاخر متناسق ونضيف مش متعرج او خشن ومعلومة كتير ميعرفهاش ان اداة القطع لو غير حادة ممكن تأذيك اكتر من كونها حادة ( لان الاداة الحادة لستخدامها سهل وقطعها سلس لكن الاداة الغير حادة بتطلب منك مجهود زيادة لقطع الخامة ممكن يؤدي لإصابتك )
 
٣-اختار الخامة الصح واتاكد انها سهلة اللي وبتعرف تشكلها وتوظفها للشكل النهائي اللي انت محتاجه 
 
ودور على اعلى جودة خامة مناسبه لميزانيتك ، لإن كل ما الجودة بتاعة الخامة بتزيد جودة الماكيت كله بتزيد والشكل النهائي بيكون احسن
 
٤-استخدم قطع الليزر
 
لو كان متاح وفي امكانياتك لانه بيكون ادق وتفاصيله احسن زي ما انت راسمها بالظبط 👌🏻دا بيوفر عليك وقت ومجهود كبير جدا..
 
٥- اهتم بالاضاءة بتاعة المكان اللي بتشتغل فيه كويس
 
انك تتاكد ان الاضاءة بتاعة المكان اللي هتشتغل فيه كويسة ومناسبة حاجة لازم نهتم بيها ، لان الاضاءة الكويسة هتحافظ على عينك عينك من الإجهاد ودا هيخيك تشوف كل التفاصيل الدقيقة مهما كانت صغيرة او معقدة والالوان بصورة احسن ودا اللي بالتأكيد هيأثر على الشكل النهائي للماكيت بتاعك
 
٦- اللزق الصح
 
النقطة دي اهم حاجة في عمل الماكيت لانك لو فكرت في اسوأ حاجة ممكن تحصلك بعد ما خلصت شغلك في الماكيت خالص ، هتلاقي ان الماكيت بتاعك وهو بيتحرك وانت بتنقله او لما يتلمس ، يفك من بعضه وتعبك دا كله يروح في الارض عشان كدا اهتم باللزق جدا جدا جدا عشان ميبقاش الماكيت بتاعك مهدد بالانهيار مع اي حركة 💔
زي مثلا الغراء الابيض وده اكتر نوع بنستخدمه للمواد المسامية الخفيفة زي الورق والكرتون والقماش وانواع تانية كتير 🤷🏻‍♀️
 
٧- اغسل ايدك كويس 👀
 
دي بقى من اهم الحاجات اللي لازم تعملها ايدك لو فيها اي اثار من الشغل اتراكمت على ايدك ممكن تبوظلك كل الشغل اتعود تغسل ايدك كل نص ساعة
 
والاهم من كل الخطوات دي انك تمارس وتدرب كتير ، في كل مرة هتدرب وتنفذ حاجة مهاراتك هتزيد وهتكتشف مهارات جديدة وهتتغلب وتتجنب اخطاء كتير وهتلاقي شغلك بيتطور كل مرة عن اللي قبلها 😄
 
قولنا انت كمان ايه ال tricks اللي شايفها بتفرق معاك في الماكيت وبتسهل عليك الشغل وبتفرق في شكل الماكيت ؟ ولو عندك اي استفسار تقدر تبعتلنا على رسائل صفحتنا على الفيسبوك او عن طريق رقم الشركة

او ممكن تملى الفورم دي

( https://forms.gle/hLMyKTUxTk8m3Lzp9 )

وهيتم التواصل معاك احد افراد الفريق 😄