fly

ليه استخدم الاوتوكاد في التصميم ؟

برنامج ال AutoCad من البرامج المهمة جدا للمهندسين بشكل خاص ولمجالات تانية كتيرة
و هو برنامج للرسم وتصميم عن طريق الكمبيوتر ويدعم إنشاء الرسومات ثنائية الأبعاد (2d) وثلاثية الأبعاد(3d)

بس قبل ما نبدا بمميزاته وعيوبه هنتكلم عن انواعه :-

برنامج الأوتوكاد ثنائي الأبعاد (2d) :
النوع دا من الاوتوكاد هو الأكثر شهرة من حيث انه بيقدم رسومات مسطحة ثنائية الابعاد (2d) بالإضافة كمان للمقاسات والأبعاد والمعلومات اللازمة لتنفيذ اي مشروع ، والنوع دا ممكن استخدمة فمجالات كثيرة جدا وتصاميم مختلفة

برنامج الأوتوكاد ثلاثي الأبعاد (3d) :
والنوع دا من الاوتوكاد بيشبه النوع الأول ، ولكن اللي بيميز الاوتوكاد ثلاثي الابعاد انه بيوفر تفاصيل اكتر للعناصر الفردية وبيبين ازاي بتتناسب وتترابط وتتكامل الابعاد مع بعضها بدلً من انه يوصف حجمها ويدينا نظرة عامة عن شكلها الإجمالي فقط .

وبرنامج الاوتوكاد (AutoCad) ليه مميزات كثيرة جدا ، على سبيل المثال :-
عرض ثلاثي الأبعاد:

بيتميز برنامج الأوتوكاد عن الرسم اليدوي العادي انه بيعرض التصاميم المختلفة بأسلوب ثلاثي الأبعاد (3d) ودا بيخلي برنامج الأوتوكاد يمنح المستخدم تصور واضح ومن مختلف الزوايا حول المشروع اللي بيقوم بتصميمه أو رسمه، وكمان بيوفر إمكانية الرسم اليدوي ثلاثي الأبعاد، إلا أنه لا يقارن بالتصاميم على برنامج الأوتوكاد، ودا بالإضافة لاستنزاف الرسم اليدوي للكثير من الوقت والجهد المبذولين عشان تعمله .

سهولة التعديل :

برنامج الأوتوكاد بيمنح المستخدم المرونة والسهولة في التعامل مع التصاميم بتاعته ، دا لإنه ممكن بسهولة جدا انك تقوم بالتعديلات المختلفة على التصاميم والنماذج والتراجع عن أي حاجة فيهم بمجموعة من الأوامر والأدوات المختلفة، بس دا لا ينطبق على التصاميم اليدوية، لانه مش من السهولة التعامل معاها. ، لأن الخطأ فيها مهما كان بسيط جدا ممكن يكلف المصمم انه يعيد القيام بالتصميم اليدوي كله من جديد، ودا معناه جهد وقت و تكلفة ازيد .

السرعة :

التصميم باستخدام برنامج الأوتوكاد بيُعد أسرع من التصميم بالطريقة اليدوية العادية والتقليدية ودا لأن لمستخدم برنامج الأوتوكاد يقدر إنه ينشئ مكتبة خاصة به وكمان يقدر يخزن فيها العديد من القوالب الجاهزة ووحدات الرسومات الصغيرة، عشان يقدر بعد كدا من إعادة استخدام القوالب والرسومات دي مرة تانية بمنتهى السهولة ، مع وجود إمكانية التعديل على القوالب والرسومات عن طريق استخدام أدوات التحرير المختلفة زي النسخ والتكرار والتدوير، ودا اللي بيوفر على المستخدم وقت وجهد كبير جدا كان هيتبذل في إعادة التصميم من جديد

الدقة :

برنامج الاوتوكاد بيتيح التصميم بمقاييس كسرية وعشرية في مختلف الأبعاد، وكمان بيقدر المستخدم انه يوصل لزوايا مختلفة ومن مختلف الجوانب عشان يحقق تصميم أكثر دقة، ودا اللي مش هنقدر نوصله بالتصميم اليدوي التقليدي واللي بيعتمد على استخدام المثلثات والأدوات الهندسية في القياسات على الورق .

التخزين وإمكانية الوصول :

من الصعب انك تحافظ على الملفات والصور والتصاميم الورقية من انها تبوظ أو تضيع مع مرورالوقت، لكن مع الاوتوكاد ممكن بسهولة انك تحفظ الملفات بتاعته على الكمبيوتر أو الاحتفاظ بها داخل وسائط التخزين المختلفة،
وممكم الوصول ليها بسهولة .

ولكن بالرغم من كل المميزات دي ، برنامج الارتوكاد ليه عيوب كثيرة بردو :

الوقت اللازم لتعلم استخدامه :

بيحتوي برنامج الأوتوكاد على الكثير من الأدوات والأوامر، ودا اللي بيتطلب من المصمم بذل مجهد كبير في تعلمه، لانه هيحتاج إنه يوصل لتصميم معين، انه يتبع العديد من الخطوات ويستخدم الأدوات المناسبة، في حين أنه يمكن الوصول لنفس التصميم ببرنامج آخر من غير الحاجة لكل الخطوات دي ، ودا اللي خلى كثرة التعقيدات والأوامر من السلبيات في برنامج الأوتوكاد

التكاليف المرتفعة للمستلزمات والدورات

على الرغم من المميزات اللي خلت برنامج الأوتوكاد من أهم الأدوات المهندسية المستخدمة في الوقت الحالي، إلا أن بعض المستخدمين بدأوا يبحثوا عن بدائل أخرى لبرامج تصميم أقل تكلفة، دا لإن الأدوات اللي بيحتاجها المصممون في برنامج الأوتوكاد هي أدوات مش مجانية، ولا بد من شراءها عشان يقدر يستفيد منها .

عدد الالوان المستخدمة محدود

بيتيح برنامج الأوتوكاد 256 لون فقط، ودا عدد محدود جدا في برنامج تصميم هندسي كبرنامج الأوتكاد، بالإضافة كمان لمحدودية خاصية التظليل على بعض الأشكال والتصاميم، ودا اااي بيخلي من الصعب الحصول على تصاميم وصور واقعية من خلال البرنامج .

وبعد معرفتك بالعيوب والمميزات بتاعة البرنامج تقدر تحدد ممكن يقيدك وتستخدمه في ايه عشان تستغل مميزاته دي وكمان ازاي اقدر اتجنب او اتغاب على العيوب واوظف البرنامج في التصميم المناسب ليه 😄

لو عايز تعرف اكتر عن الاوتوكاد والمجالات اللي بتستخدمه تابع المقالات اللي عالموقع الفترة الجاية
ولو عندك اي استفسار تقدر تبعتهولنا على رسائل الصفحة او عن طريق رقم الشركة

او ممكن تملى الفورم دي

( https://forms.gle/hLMyKTUxTk8m3Lzp9 )

وهيتم التواصل معاك احد افراد الفريق 😄